Sangamam.

Aboo Kattil.

Winners.

Runners up Prize.

Election.

Audience.

Lin up.

ഒരാള്‍ തനിച്ചാകുമ്പോള്‍ അയാള്‍ എന്താകുന്നുവോ അതായിരിക്കും ഒരു വ്യക്തിയുടെ സം‌സ്‌കാരം.ഇതാണ്‌ സംസ്‌കാരത്തെ കുറിച്ചുള്ള പൊതു നിര്‍‌വചനം.ഇതിലും ഒരു പണ തൂക്കം കൂടുതലാണത്രെ വിശ്വാസിയുടെ സംസ്‌കാരത്തെ കുറിച്ചുള്ള നിര്‍‌വചനം.ഒരാള്‍ രഹസ്യ സങ്കേതത്തിലാണെങ്കിലും പരസ്യ മൈതാനങ്ങളിലാണെങ്കിലും; നിരീക്ഷണ വിധേയനാണെന്ന ബോധത്തോടെയുള്ള അടക്ക അനക്കങ്ങളാണായിരിക്കും ഒരു വ്യക്തിയുടെ സംസ്‌കാരം.

Friday, 19 January 2018

പ്രവര്‍‌ത്തക സമിതി

ഖത്തര്‍ മഹല്ല്‌ അസോസിയേഷന്‍ തിരുനെല്ലൂരിന്റെ പ്രവര്‍‌ത്തക സമിതി ജനുവരി 19 ന്‌ ജുമുഅ നിസ്‌കാരത്തിനു ശേഷം പ്രസിഡണ്ടിന്റെ വസതിയില്‍ പ്രസിഡണ്ട്‌ ഷറഫു ഹമീദിന്റെ അധ്യക്ഷതയില്‍ ചേര്‍‌ന്നു.ജനറല്‍ സെക്രട്ടറി ഷിഹാബ്‌ എം.ഐ യുടെ പ്രാര്‍‌ഥനയോടെ യോഗ നടപടികള്‍ ആരം‌ഭിച്ചു. ഖ്യു.മാറ്റ്‌ യുവജന വിഭാഗത്തിന്റെ പ്രശം‌സനീയമായ പ്രവര്‍‌ത്തന നൈരന്തര്യത്തെ പരാമര്‍‌ശിച്ചുള്ള  ആമുഖത്തോടെയായിരുന്നു അധ്യക്ഷന്‍ ചര്‍‌ച്ചകള്‍ക്ക്‌ തുടക്കമിട്ടത്‌.ഖ്യു.മാറ്റിന്റെ ഇതുവരെയുള്ള പ്രവര്‍‌ത്തനങ്ങള്‍ ഹൃസ്വമായി അവതരിപ്പിക്കപ്പെടുകയും വിലയിരുത്തപ്പെടുകയും ചെയ്‌തു.ഒരു വര്‍‌ഷത്തെ (2017/18) വിപുലമായ പരിപാടികളുടെ സം‌ക്ഷിപ്‌ത വാര്‍‌ഷിക റിപ്പോര്‍‌ട്ട്‌ സെക്രട്ടറി അവതരിപ്പിച്ചു.

തിരുനെല്ലൂരിന്റെ ഖത്തറിലെ പ്രവാസി സം‌ഘത്തിന്‌ പുതിയ രൂപ ഭാവത്തോടെയുള്ള ഖ്യു.മാറ്റിന്റെ പ്രഥമ പ്രസിഡണ്ട്‌ ജനാബ്‌ അബു കാട്ടില്‍ മഹല്ല്‌ പ്രസിഡണ്ടായി തെരഞ്ഞെടുക്കപ്പെട്ടതിലും സീനയര്‍ അം‌ഗം ഹാജി ഹമീദ്‌ ആര്‍.കെ വൈസ്‌ പ്രസിഡണ്ടായി നിയോഗിക്കപ്പെട്ടതിലും ഖ്യു.മാറ്റിന്‌ അഭിമാനിക്കാമെന്ന  പ്രസ്‌താവന സഹര്‍‌ഷം സ്വാഗതം ചെയ്യപ്പെട്ടു.മഹല്ലിലെ പുതിയ നേതൃത്വ മാറ്റവും അതില്‍ പ്രവാസി സം‌ഘങ്ങള്‍‌ക്ക്‌ ഘടനാപരമായ പ്രാധിനിത്യവും ഉണ്ടായ സാഹചര്യവും അഭിമാനാര്‍‌ഹമാണെന്ന്‌ സമിതി വിലയിരുത്തി.നാം ചര്‍‌ച്ച ചെയ്‌തുകൊണ്ടിരുന്ന കാര്യങ്ങളുടെ സാക്ഷാത്കാരമാണ്‌ ഒരര്‍‌ഥത്തില്‍ മഹല്ലില്‍ അരങ്ങേറിയതെന്നും അതിനു ചുക്കാന്‍ പിടിക്കാന്‍ ഒരു പരിധിവരെ സെക്രട്ടറിയ്‌ക്ക്‌ സാധിച്ചു എന്നും നിരീക്ഷിക്കപ്പെട്ടു.ഈ സാഹചര്യങ്ങളെ ക്രിയാത്മകമായി ഉപയോഗപ്പെടുത്താനുതകുന്ന കര്‍‌മ്മ രേഖകള്‍ വരച്ചു കാണിക്കുന്ന പുതിയ വിഭാവനകള്‍ പ്രവാസി സം‌ഘടനകളുടെ ഭാഗത്ത്‌ നിന്നും വിശിഷ്യാ ഖ്യു.മാറ്റിന്റെ ഭാഗത്ത്‌ നിന്നും ഉരുത്തിരിയണമെന്നും സമിതി അഭിപ്രായപ്പെട്ടു.

റമദാന്‍ സാന്ത്വന പരിപാടികളും ഇഫ്‌ത്വാര്‍ സം‌ഗമവും പൂര്‍‌വോപരി ഭം‌ഗിയായി സം‌ഘടിപ്പിക്കാന്‍ കഴിഞ്ഞതായി വിലയിരുത്തപ്പെട്ടു.നാട്ടില്‍ നടന്ന നബി ദിന പരിപാടികളും അതുമായി സഹകരിച്ച്‌ വര്‍‌ഷം തോറും നടത്താറുള്ള ഖ്യു.മാറ്റിന്റെ പങ്കും പങ്കാളിത്തവും കൂടുതല്‍ ആകര്‍‌ഷകമായിരുന്ന കാര്യവും സമിതിയില്‍ സ്‌മരിക്കപ്പെട്ടു.

ദീര്‍‌ഘ കാലമായി മഹല്ല്‌ പരിധിയിലെ അര്‍‌ഹരായ കുടും‌ബങ്ങള്‍‌ക്ക്‌ അനുവദിച്ചു കൊണ്ടിരിക്കുന്ന സാന്ത്വനം തുടര്‍‌ന്നു പോകുന്നതില്‍ സമിതി സന്തുഷ്‌ടി രേഖപ്പെടുത്തി.അനിവാര്യമായ കാരണങ്ങളാല്‍ വന്ന പോരായ്‌മകള്‍ ഉചിതമായ രീതിയില്‍ പരിഹരിക്കാനും ധാരണയായി.പുതിയ മാര്‍‌ഗ നിര്‍ദേശക രേഖയനുസരിച്ചുള്ള 'സ്‌നേഹ സ്‌പര്‍‌ശം' ഈയിടെ പരലോകം പൂകിയ വ്യക്തിയുടെ കുടും‌ബത്തിന്‌ നല്‍‌കാന്‍ ഒരുക്കം കുറിക്കാനുള്ള തീരുമാനം പ്രാരം‌ഭം കുറിച്ചു.ചുരുങ്ങിയത് 50 രിയാല്‍ വീതമാണ്‌ ഇവ്വിഷയത്തില്‍ അം‌ഗങ്ങള്‍ നല്‍‌കേണ്ടതെന്ന നിര്‍ദേശവും സമിതി അം‌ഗീകരിച്ചു.


താമസിയാതെ  നാട്ടുകാര്‍ എല്ലാവരും ഒത്തു കൂടാനുതകും വിധമുള്ള സ്‌നേഹ സം‌ഗമം പോലെയുള്ള ഒരു പരിപാടി മാര്‍‌ച്ച്‌ മാസത്തില്‍ സം‌ഘടിപ്പിക്കാന്‍ തീരുമാനിച്ചു.

2018 വര്‍‌ഷം മുതല്‍ ഖ്യു.മാറ്റുമായി സഹകരണം പുലര്‍‌ത്തുന്നവരില്‍ മാത്രമായി സ്‌നേഹ സ്‌പര്‍‌ശം പരിമിതപ്പെടുത്തണമെന്ന നിര്‍‌ദേശം അം‌ഗീകരിക്കപ്പെട്ടതായി സെക്രട്ടറി സദസ്സിനെ ധരിപ്പിച്ചു.

വര്‍‌ത്തമാന കാല സമൂഹത്തില്‍ കാണപ്പെടുന്ന വ്യതിചലനങ്ങളെ പ്രതിരോധിക്കാന്‍ ഉതകുന്ന പഠനക്കളരികള്‍ വ്യവസ്ഥാപിതമാക്കാനുതകുന്ന പദ്ധതികള്‍‌ക്ക്‌ എല്ലാ അര്‍ഥത്തിലുള്ള പ്രോത്സാഹനവും പ്രചോദനവും സമയോജിതമായി കാര്യക്ഷമമാകേണ്ടെതുണ്ടെന്ന അഭിപ്രായം സദസ്സ്‌ പങ്കുവെച്ചു.

രാജ്യത്തെ പ്രത്യേക സാഹചര്യം കാരണം തല്‍‌ക്കാലത്തേയ്‌ക്ക്‌ മരവിച്ചു പോയ സുവനീര്‍ പ്രകാശനം വൈകാതെ നടക്കണെമെന്ന അം‌ഗങ്ങളുടെ ആവശ്യം വളരെ ഗൗരവത്തോടെയാണ്‌ കാണുന്നതെന്നു അധ്യക്ഷന്‍ വിശദീകരിച്ചു.കണക്കു കൂട്ടലുകള്‍ പോലെ പരസ്യങ്ങളും അതുവഴിയുള്ള വരുമാനവും കുറഞ്ഞാലും പ്രസിദ്ധീകരണം ഉടനെ നടക്കാനുള്ള നടപടികള്‍ സ്വീകരിച്ചതായി അധ്യക്ഷന്‍ സദസ്സിനെ ധരിപ്പിച്ചു.എത്രയും പെട്ടെന്നു ഡിസൈന്‍ ചെയ്‌ത പ്രൂഫ്‌ സമര്‍‌പ്പിക്കാന്‍ കഴിയണമെന്നും അധ്യക്ഷന്‍ ബന്ധപ്പെട്ടവരെ ധരിപ്പിച്ചു.തദനുസാരം കാര്യങ്ങള്‍ നീങ്ങുമെന്ന്‌ ഡിസൈനിങ് ദൗത്യം ഏറ്റെടുത്ത അബുബിലാല്‍ പ്രതികരിച്ചു.ഇതുവരെയുള്ള സുവനീര്‍ രചനകളും മറ്റു വിവരങ്ങളുടേയും സോഫ്‌റ്റ്‌ കോപ്പി പൂര്‍‌ണ്ണമായും തയ്യാറാണെന്നും തുടര്‍ നടപടികളില്‍ ഊര്‍‌ജ്ജിതമായ 'സുവനീര്‍ പണിപ്പുരയുമായി' സഹകരിക്കുമെന്നും എഡിറ്റര്‍ സദസ്സിനെ അറിയിച്ചു.സോഫ്‌റ്റ്‌ കോപ്പി പ്രിന്റ് ചെയ്‌തു നോക്കിയപ്പോള്‍ 150 ല്‍ പരം പേജുകള്‍ ഉണ്ടെന്നും എഡിറ്റര്‍ കൂട്ടിച്ചേര്‍‌ത്തു.

എല്ലാവരും ഒരുമിച്ചിരുന്ന്‌ ഉച്ച ഭക്ഷണത്തിനു ശേഷം തുടങ്ങിയ യോഗം അസ്വര്‍ ബാങ്കൊലി മുഴങ്ങുമ്പോഴും തീര്‍‌ന്നിട്ടുണ്ടായിരുന്നില്ല.സെക്രട്ടറി ഷൈതാജ്‌ മൂക്കലെയുടെ നന്ദി പ്രകാശനത്തോടെ യോഗം അവസാനിച്ചു.

Sunday, 31 December 2017

പുതിയ പുലരി

2017 അസ്‌തമിക്കുകയാണ്‌.ഇനി പുതിയ പ്രഭാതത്തിലേയ്‌ക്കുള്ള കാത്തിരിപ്പിലാണ്‌.വരും നാളുകളില്‍ പുതിയ തീരുമാനങ്ങളുടേയും പ്രതീക്ഷകളുടേയും പുലരികളിലേയ്‌ക്കുള്ള വാതായാനം തുറക്കപ്പെടുമാറാകട്ടെ.സം‌സ്‌കൃതമായ ഒരു സമൂഹത്തിന്റെ സാക്ഷാല്‍കാരത്തിനായി പുതിയ ദിന രാത്രങ്ങള്‍ നാന്ദി കുറിക്കുമാറാകട്ടെ.നമുക്ക്‌ പ്രാര്‍‌ഥിക്കാം.

വികാസപുര്‍‌ണ്ണമായ സമൂഹത്തിന്റെ വളര്‍‌ച്ചയ്‌ക്ക്‌ ക്രിയാത്മകമായ സംവാദങ്ങള്‍ അനിവാര്യവും സ്വാഗതാര്‍‌ഹവുമാണ്‌.എന്നാല്‍ ഒറ്റപ്പെട്ട ചര്‍ച്ചകളില്‍ പോലും അപരനെ തോല്‍പ്പിക്കുക എന്ന തരത്തിലാണ്‌ ചര്‍‌ച്ചകള്‍ പുരോഗമിക്കുന്നത്‌. ഇതു ഗുണത്തേക്കാള്‍ ദോഷം മാത്രമേ ജനിപ്പിക്കുകയുള്ളൂ.വീക്ഷണ വൈകൃതങ്ങള്‍ എന്ന സങ്കല്‍പത്തിനു പകരം വീക്ഷണ വൈവിധ്യങ്ങള്‍ എന്ന ഉയര്‍ന്ന വിതാനം കാത്തു സൂക്ഷിക്കുമ്പോള്‍ മാത്രമേ ആരോഗ്യകരമായ സം‌ഭാഷണങ്ങള്‍ സാധ്യമാകുകയുള്ളൂ.

വീക്ഷണ വ്യത്യാസം ഒരു യാഥാര്‍ഥ്യമാണ്‌.ഐക്യവും ഏകോപനവും ഇന്നും സങ്കല്‍‌പം മാത്രമാണ്‌.ഇതു കൃത്യമായും തിരിച്ചറിയാതെ കണ്ണടച്ചിരുട്ടാക്കിയിട്ട്‌ കാര്യമില്ല.അതു പോലെ കണ്ണു തുറന്നു എന്ന ഒറ്റക്കാരണം കൊണ്ട്‌ വെളിച്ചം ഉണ്ടാകുകയും ഇല്ല.

പ്രാദേശിക ഗ്രാമീണ കൂട്ടായ്‌മ സംവിധാനം ഏറെ ശക്തമാകുക തന്നെ വേണം.നാടിന്റെ പൊതു കാര്യങ്ങളില്‍ ബുദ്ധിപൂര്‍വകമായ തിരുമാനങ്ങളെടുക്കാന്‍ പ്രാപ്‌തരായ ഒരു സമിതിയുടേയും സംവിധാനത്തിന്റേയും ഒഴിച്ചുകൂടാനാവാത്ത അവസ്ഥ സം‌ജാതമായിരിക്കുന്നു.സാമൂഹിക രാഷ്‌ട്രീയ മതബോധമുള്ള എല്ലാ വിഭാഗങ്ങളും ഉള്‍കൊള്ളുന്ന  കൂട്ടായ്‌മയുടെ അനിവാര്യത വിളിച്ചോതുന്നതാണ്‌ വര്‍‌ത്തമാന കാലം.

ഏറെ ഗൗരവമുള്ള ഒരു കാര്യം കൂടെ ഓര്‍‌മ്മിപ്പിക്കാം.അധിനിവേശ ശക്തികള്‍ അവരുടെ സകലവിധ കഴിവുകളും വിശ്വാസി സമൂഹത്തിന്റെ ചിദ്രതയ്‌ക്ക്‌ ഉപയോഗപ്പെടുത്തിയിട്ടുണ്ട്.ഇപ്പോഴും അതു തുടരുകയും ചെയ്യുന്നുണ്ട്‌.വിശുദ്ധ വേദത്തേയും തിരു ചര്യകളേയും വികൃതമായി സ്ഥാപിച്ചെടുക്കുക എന്നതിലുപരി പരിശുദ്ധമായ വിശ്വാസ ധാരയെ തന്ത്രപൂര്‍‌വ്വം വികലമാക്കി അവതരിപ്പിച്ച്‌ സാക്ഷാല്‍ വിശ്വാസത്തിന്റെ ലാളിത്യവും സൗകുമാര്യവും സുഗന്ധവും അന്യമാക്കുക എന്നതും അവര്‍‌ സ്വീകരിച്ച ഹീനമായ നടപടികളത്രെ.ഒരു പറ്റം ആളുകള്‍ ഇത്തരം പതികളില്‍ വീണു പോകുന്നു എന്നതും യാഥാര്‍ഥ്യമത്രെ.

ഇവ്വിധം നികൃഷ്‌ടമായ കൃത്യങ്ങള്‍‌ക്ക്‌ സയണിസവും ഫാഷിസവും കൈകോര്‍‌ത്ത് അഥവാ പടിഞ്ഞാറും കിഴക്കും ഒരുമിച്ച് കച്ചകെട്ടി ഇറങ്ങിയിരിക്കുന്നു എന്നതായിരിക്കാം വര്‍‌ത്തമാനത്തിലെ ഏറ്റവും വലിയ സവിശേഷത.അതുപോലെ പ്രവാചക ശ്രേഷ്‌ഠന്റെ ആദരണീയരായ അനുചരന്മാരെ അപകീര്‍‌ത്തിപ്പെടുത്തുന്ന പേര്‍‌ഷ്യന്‍ വിഭാഗവും അവരുടെ ഭാഗം നന്നായി അവതരിപ്പിച്ച് തകര്‍‌ക്കുന്നു എന്നും മറക്കാതിരിക്കുക.

ചുരുക്കത്തില്‍ യഥാര്‍ഥ പ്രവാചകാനുയായികള്‍ മേലുദ്ധരിച്ച ശക്തികളുടെ ഇരകളാണ്‌.ചിലപ്പോള്‍ വിശ്വാസപരമായ കാര്യങ്ങളിലാണെങ്കില്‍ ചിലപ്പോഴിക്കെ തികച്ചും ഭൗതികമായ കാര്യങ്ങളിലുമാണ്‌.അതിനാല്‍ പവിത്രമായ വേദ വചനങ്ങളിലേയ്‌ക്കും ശുദ്ധമായ പ്രവാചകാധ്യാപനങ്ങളിലേയ്‌ക്കും ആത്മാര്‍‌ഥമായി മടങ്ങുക.സമൂഹത്തില്‍ അരക്ഷിതാവസ്ഥയും അസ്വാരസ്യങ്ങളും പുകയ്‌ക്കുന്ന പ്രക്രിയകളില്‍ നിന്നും വിട്ടു നില്‍‌ക്കുക.ആവേശത്താല്‍ കത്തിപ്പടരാതെ അവധാനതയോടെയുള്ള സമീപനങ്ങളിലേയ്‌ക്ക്‌ ചുവടുകള്‍ മാറ്റുക.അതെ, നന്മയിലേക്കൊഴുകാന്‍ പ്രതിജ്ഞാബദ്ധരാകുക.നാഥന്‍ അനുഗ്രഹിക്കുമാറാകട്ടെ.

ആശം‌സകളോടെ..
അസീസ്‌ മഞ്ഞിയില്‍
ദിതിരുനെല്ലൂര്‍. 

Tuesday, 26 December 2017

അക്ഷര തിരുനെല്ലൂര്‍

തിരുനെല്ലൂര്‍:ധാര്‍‌മ്മികമായ സാക്ഷര സമൂഹത്തിന്റെ - സംസ്‌കാരത്തിന്റെ സാക്ഷാത്കാരത്തിനായി പ്രാര്‍‌ഥിക്കുകയും പ്രവര്‍‌ത്തിക്കുകയും ചെയ്യുന്ന,തിരുനെല്ലൂര്‍ ഗ്രാമ മഹല്ല്‌ പരിധിയില്‍ ഉള്ളവരുടെ കൂട്ടായ്‌മ അക്ഷര തിരുനെല്ലൂര്‍ പ്രാരം‌ഭം കുറിക്കപ്പെട്ടിരിക്കുന്നു.ധാര്‍‌മ്മികമായ സാക്ഷര യജ്ഞത്തില്‍ അക്ഷര തിരുനെല്ലൂര്‍ സജീവമാകുന്നതിന്റെ ഭാഗമായി വൈജ്ഞാനിക രം‌ഗത്തെ കെടാവിളക്കുകളായ വിശുദ്ധ ഖുര്‍‌ആനിനെയും പ്രവാചകാധ്യാപനങ്ങളേയും സം‌ശുദ്ധമായ ശൈലിയില്‍ പ്രശോഭിപ്പിക്കുന്ന വൈവിധ്യമാര്‍‌ന്ന പരിപാടികള്‍ ഓണ്‍‌ ലൈനിലും ഓഫ്‌ ലൈനിലും ഒരുങ്ങിക്കൊണ്ടിരിക്കുന്നു.




 അക്ഷര ഗ്രൂപ്പ്‌ ലിങ്ക്
https://chat.whatsapp.com/1H97PBakmNaCqx6rv2yezb

Monday, 25 December 2017

ഖുറൈഷി പുരാണം പ്രകാശനം

പുവ്വത്തൂര്‍:സൈനുദ്ധീന്‍ ഖുറൈഷിയുടെ ഖുറൈഷി പുരാണം പ്രകാശനം ചെയ്യപ്പെടുന്നു.തിരുനെല്ലൂരിന്റെ അനുഗ്രഹീതനായ എഴുത്തുകാരന്റെ ഏറെ വിശേഷപ്പെട്ട രചനകളിലൊന്നത്രെ ഈ സമാഹാരം.താന്‍ പഠിച്ചു വളര്‍‌ന്ന വിദ്യാലയത്തിന്റെ തിരുമുറ്റത്ത് വെച്ച്‌ പ്രകാശനം നടക്കുന്നതില്‍ ഏറെ അഭിമാനമുണ്ടെന്നു കഥാകൃത്ത് പറഞ്ഞു.

അക്ഷരങ്ങളെ അവകാശ സമരായുധമായി എന്നും ഉപയോഗിക്കുന്ന സ്വതന്ത്ര കലാ പരിഷത്ത് വായനശാലയുടെ പ്രവർത്തകരും സ്നേഹസാന്ദ്രതയാൽ എന്നും ചേർത്തു പിടിച്ച സുഹൃത്തുക്കളും നാട്ടുകാരും ചേർന്ന് അണിയിച്ചൊരുക്കുന്ന സദസ്സിൽ ഡിസംബർ 30 ന് 2 മണിക്ക് പ്രകാശന കര്‍‌മ്മം നടക്കും.

ശ്രീ.കെ.പി രാമനുണ്ണിയുടെ അവതാരികയോടെയുള്ള ഖുറൈഷി പുരാണം.മലയാളത്തിന്റെ പ്രിയപ്പെട്ട കവിയും ഗാന രചയിതാവുമായ റഫീഖ്‌ അഹമ്മദ്‌ പ്രകാശനം ചെയ്യും.മണലൂര്‍ മണ്ഡലം എം.എല്‍.എ ശ്രീ മുരളി പെരുനെല്ലി ഉദ്‌ഘാടനം നിര്‍വഹിക്കും.റഹ്‌മാന്‍ തിരുനെല്ലൂര്‍ പുസ്‌തകത്തെ പരിചയപ്പെടുത്തും.

മുല്ലശ്ശേരി ബ്ലോക് പഞ്ചായത്ത് പ്രസിഡണ്ട്‌ ശ്രീമതി ലതിക ടീച്ചര്‍ അദ്ധ്യക്ഷത വഹിക്കുന്ന സംഗമത്തില്‍ സ്വതന്ത്ര കലാപരിഷത്ത് വായനശാലയുടെ സെക്രട്ടറി ശ്രി.ആര്‍.എ അബ്‌ദുല്‍ ഹഖീം സ്വാഗതം ആശം‌സിക്കും.മുല്ലശ്ശേരി ഗ്രാമ പഞ്ചായത്ത് പ്രസിഡണ്ട് ശ്രി.എ.കെ ഹുസ്സൈന്‍,ശ്രീ ബിജു കുരിയക്കോട്ട്‌,ശ്രി സി.എഫ് രാജന്‍,ടി.എന്‍ ലെനിന്‍,ശ്രി പ്രസാദ്‌ കാക്കശ്ശേരി,ശ്രീ പി.ജി ബിജുദാസ്,ശ്രി സി.എഫ് സാജു മാസ്‌റ്റര്‍,ശ്രി ആഷിക് വലിയകത്ത്,ശ്രീ.ഉമ്മര്‍ കാട്ടില്‍,ശ്രീ.പി.കെ രമേശ്‌ തുടങ്ങിയ സാമുഹിക സാം‌സ്‌കാരിക രാഷ്‌ട്രീയ രം‌ഗത്തെ പ്രമുഖരും സദസ്സിനെ ധന്യമാക്കും.

Friday, 1 December 2017

ഷരീഫ്‌ ചിറക്കലിന്‌ ആദരം

ദോഹ:മുല്ലശ്ശേരി ഗ്രാമ പഞ്ചായത്ത് അം‌ഗം ഷരീഫ്‌ ചിറക്കലിന്‌ ഖത്തര്‍ മഹല്ല്‌ അസോസിയേഷന്‍ തിരുനെല്ലൂരിന്റെ ആദരം.ഹൃസ്വ സന്ദര്‍‌ശനാര്‍‌ഥം ദോഹയിലെത്തിയതായിരുന്നു ഷരീഫ്‌ ചിറക്കല്‍.ഖത്തര്‍ മഹല്ല്‌ അസോസിയേഷന്‍ പ്രസിഡണ്ട്‌ ഷറഫു ഹമീദിന്റെ വസതിയില്‍ പ്രത്യേകം വിളിച്ച് ചേര്‍ക്കപ്പെട്ട യോഗത്തില്‍ പ്രവര്‍‌ത്തക സമിതി അംഗങ്ങളും സീനിയര്‍ അം‌ഗങ്ങളും സന്നിഹിതരായിരുന്നു.ഖത്തര്‍ മഹല്ല്‌ അസോസിയേഷന്‍ തിരുനെല്ലൂര്‍ അം‌ഗം യൂസഫ്‌ ഹമീദ്‌ പ്രത്യേക ഉപഹാരം നല്‍‌കി ഷരീഫ് ചിറക്കലിനെ ആദരിച്ചു.
 
പ്രസിഡണ്ട്‌ ഷറഫു ഹമിദ്‌,വൈസ്‌ പ്രസിഡണ്ട്‌ കെ.ജി റഷീദ്‌,ജനറല്‍ സെക്രട്ടറി ഷിഹാബ്‌ ഇബ്രാഹീം,ഫൈനാന്‍‌സ്‌ സെക്രട്ടറി സലീം നാലകത്ത്,സമിതി അംഗങ്ങളായ ഷൈദാജ്‌ മൂക്കലെ,ഹാരിസ്‌ അബ്ബാസ്‌,റഷാദ്‌ കെ.ജി,ഷമീര്‍ പി.എം,ഫൈസല്‍ വി.എ,നസീര്‍ എം.എം തുടങ്ങിയവര്‍ വേദിയെ ധന്യമാക്കി.ഖത്തര്‍ മഹല്ല്‌ അസോസിയേഷന്‍ തിരുനെല്ലൂരിന്റെ കര്‍‌മ്മോത്സുകതയെ ഷരീഫ്‌ ചിറക്കല്‍ അഭിനന്ദിച്ചു.

Thursday, 30 November 2017

തിരുനെല്ലൂര്‍ ആഘോഷപ്പൊലിമയില്‍

മുല്ലശ്ശേരി :പ്രവാചക പ്രഭുവിന്റെ ജന്മദിനത്തോടനുബന്ധിച്ച്‌ തിരുനെല്ലൂരിലും മഹല്ലു പരിധിയില്‍ പെട്ട മുല്ലശ്ശേരി ബ്ലോക് അബൂബക്കര്‍ സിദ്ധീഖ്‌ മസ്‌ജിദ്‌ അങ്കണത്തിലും മഹല്ലിലെ ഇതര സ്ഥാപനാങ്കണങ്ങളിലും ഡിസം‌ബര്‍ 2 ന്‌ വൈവിധ്യമാര്‍ന്ന പരിപാടികള്‍ ആസൂത്രണം ചെയ്‌തതായി മഹല്ലു വൃത്തങ്ങള്‍ പറഞ്ഞു.മിലാദുന്നബി ആഘോഷത്തോടനുബന്ധിച്ച്‌ മഹല്ലു പരിസര പ്രദേശങ്ങളും പള്ളി മദ്രസ്സാ അങ്കണങ്ങളും തെരുവോരങ്ങളും കൊടി തോരണങ്ങളാല്‍ അലങ്കരിച്ചിട്ടുണ്ട്‌.

റബീഉല്‍ അവ്വല്‍ 12 ഡിസം‌ബര്‍ 1 ന്‌ പുലര്‍‌ച്ച 4 ന്‌ മൗലിദ്‌ പാരായണം നടക്കും.ആഘോഷ ദിവസമായ ഡിസം‌ബര്‍ 2 ന്‌   കാലത്ത്‌ 7.30 ന്‌  മഹല്ല്‌ ഉപദേശക സമിതി അം‌ഗം ഹാജി അഹമ്മദ്‌ കെ.പി  പദാക ഉയര്‍‌ത്തും.മുല്ലശ്ശേരി ബ്ലോക് മദ്രസ്സാ അങ്കണത്തില്‍ പ്രസിഡണ്ട് മുസ്‌തഫ തങ്ങള്‍ പതാക ഉയര്‍‌ത്തും.മദ്രസ്സാ വിദ്യാര്‍ഥികളും രക്ഷിതാക്കളും പ്രവാചക കീര്‍ത്തനങ്ങള്‍ ഉരുവിട്ട്‌ മഹല്ലു പരിധിയില്‍ ജാഥനടത്തും.നാടു ചുറ്റിവരുന്ന ജാഥയ്‌ക്ക്‌ വിവിധ കേന്ദ്രങ്ങളില്‍ നല്‍കപ്പെടുന്ന സ്വീകരണങ്ങളില്‍ മധുര പലഹാരങ്ങള്‍ വിതരണം ചെയ്യും.

ഡിസം‌ബര്‍ 2 ശനിയാഴ്‌ച്ച വൈകീട്ട്‌ 4 ന്‌ ഖിറാഅത്ത് മത്സരം പ്രാരം‌ഭം കുറിക്കും.മഗ്‌രിബ്‌ നമസ്‌കാരാനന്തരം 6.30 ന്‌ പൊതു പരിപാടി ആരം‌ഭിക്കും. പ്രമുഖര്‍ പങ്കെടുക്കുന്ന മിലാദ്‌ സംഗമത്തില്‍ മഹല്ല്‌ പ്രസിഡണ്ട്‌ അബു കാട്ടിലിന്റെ അഭാവത്തില്‍ മഹല്ല്‌ വൈസ്‌ പ്രസിഡണ്ട്‌ ഹാജി ഹമീദ്‌ ആര്‍.കെ അധ്യക്ഷത വഹിക്കും. മഹല്ലു നേതൃത്വവും,പ്രവര്‍‌ത്തക സമിതി അം‌ഗങ്ങളും,ഉസ്‌താദുമാരും,കാരണവന്മാരും,നാട്ടുകാരും, വിദ്യാര്‍‌ഥികളും പങ്കെടുക്കും.

ഹം‌സ മുസ്‌ല്യാരുടെ പ്രാര്‍ഥനയോടെ തുടങ്ങുന്ന സം‌ഗമത്തില്‍ സ്വാഗത സം‌ഘം കണ്‍‌വീനര്‍ ഹാജി റഷീദ്‌ മൂക്കലെ സ്വാഗതമോതും.മഹല്ല്‌ ഖത്വീബ്‌ അബ്‌ദുല്ല അഷ്‌റഫി പൊതുയോഗം ഉദ്‌ഘാടനം ചെയ്യും.നൂറുല്‍ ഹിദായ മദ്രസ്സ സ്വദര്‍ അലി മുസ്‌ല്യാര്‍,മഹല്ല്‌ ജനറല്‍ സെക്രട്ടറി സുബൈര്‍ പി.എം,മദ്രസ്സ സെക്രട്ടറി നൗഷാദ്‌ പി.ഐ,ത്വാഹാ മസ്‌ജിദ്‌ ഇമാം സയ്യിദ്‌ അലവി പൂക്കോയ,നൂറുല്‍ ഹിദായ ബ്രാഞ്ച് മദ്രസ്സ സ്വദര്‍ ഇസ്‌മാഈല്‍ സഖാഫി,സ്വദര്‍ മുള്ളന്തറ അഷ്‌റഫ്‌ സഖാഫി,മഹല്ല്‌ ഉപദേശക സമിതി അം‌ഗം ഖാസ്സിം. വി.കെ,മഹല്ല്‌ ഉപദേശക സമിതി അം‌ഗം എം.കെ അബൂബക്കര്‍ മാസ്‌റ്റര്‍,മഹല്ല്‌ വൈസ്‌ പ്രസിഡണ്ട്‌ ആര്‍.വി കബീര്‍,മഹല്ല്‌ സെക്രട്ടറി എം.എ മുസ്‌ഥഫ,മഹല്ല്‌ സെക്രട്ടറി വി.എ ഫൈസല്‍,മഹല്ല്‌ സെക്രട്ടറി സൈനുദ്ധീന്‍ ഖുറൈഷി,സ്വാഗത സം‌ഘം ട്രഷറര്‍ ഷാഹിദ്‌ ഹുസൈന്‍ തുടങ്ങിയവര്‍ ആശം‌സകള്‍ നേരും. 

തിരുനെല്ലൂരിലെ പ്രവാസി സം‌ഘനകള്‍ തിരുനെല്ലൂര്‍ മഹല്ലു നിവാസികള്‍‌ക്ക്‌ നബിദിനാശം‌സകള്‍ നേര്‍‌ന്നു.

Tuesday, 28 November 2017

ഇശ്‌ഖേ റസൂല്‍

മുല്ലശ്ശേരി :പ്രവാചക പ്രഭുവിന്റെ ജന്മദിനത്തോടനുബന്ധിച്ച്‌ തിരുനെല്ലൂരിലും മഹല്ലു പരിധിയില്‍ പെട്ട മുല്ലശ്ശേരി ബ്ലോക് അബൂബക്കര്‍ സിദ്ധീഖ്‌ മസ്‌ജിദ്‌ അങ്കണത്തിലും മഹല്ലിലെ ഇതര സ്ഥാപനാങ്കണങ്ങളിലും ഡിസം‌ബര്‍ 2 ന്‌ വൈവിധ്യമാര്‍ന്ന പരിപാടികള്‍ ആസൂത്രണം ചെയ്‌തതായി മഹല്ലു വൃത്തങ്ങള്‍ പറഞ്ഞു.മിലാദുന്നബി ആഘോഷത്തോടനുബന്ധിച്ച്‌ മഹല്ലു പരിസര പ്രദേശങ്ങളും പള്ളി മദ്രസ്സാ അങ്കണങ്ങളും തെരുവോരങ്ങളും കൊടി തോരണങ്ങളാല്‍ അലങ്കരിക്കും.നവം‌ബര്‍ 28 ചൊവാഴ്‌ച്ച വൈകീട്ട്‌ 07.30 ന്‌ തിരുനെല്ലൂര്‍ നൂറുല്‍ ഹിദായ മദ്രസ്സാങ്കണത്തില്‍ ഇശ്‌ഖേ റസൂല്‍ എന്ന തലക്കെട്ടില്‍ കഥാപ്രസം‌ഗവും ഖവാലിയും ഒരുക്കുന്നുണ്ടെന്നും ഭാരവാഹികള്‍ വ്യക്തമാക്കി.

റബീഉല്‍ അവ്വല്‍ 12 ഡിസം‌ബര്‍ 1 ന്‌ പുലര്‍‌ച്ച 4 ന്‌ മൗലിദ്‌ പാരായണം നടക്കും.ആഘോഷ ദിവസമായ ഡിസം‌ബര്‍ 2 ന്‌   കാലത്ത്‌ 7.30 ന്‌  മഹല്ല്‌ ഉപദേശക സമിതി അം‌ഗം ഹാജി അഹമ്മദ്‌ കെ.പി  പദാക ഉയര്‍‌ത്തും.മുല്ലശ്ശേരി ബ്ലോക് മദ്രസ്സാ അങ്കണത്തില്‍ പ്രസിഡണ്ട് മുസ്‌തഫ തങ്ങള്‍ പതാക ഉയര്‍‌ത്തും.മദ്രസ്സാ വിദ്യാര്‍ഥികളും രക്ഷിതാക്കളും പ്രവാചക കീര്‍ത്തനങ്ങള്‍ ഉരുവിട്ട്‌ മഹല്ലു പരിധിയില്‍ ജാഥനടത്തും.നാടു ചുറ്റിവരുന്ന ജാഥയ്‌ക്ക്‌ വിവിധ കേന്ദ്രങ്ങളില്‍ നല്‍കപ്പെടുന്ന സ്വീകരണങ്ങളില്‍ മധുര പലഹാരങ്ങള്‍ വിതരണം ചെയ്യും.

ഡിസം‌ബര്‍ 2 ശനിയാഴ്‌ച്ച വൈകീട്ട്‌ 4 ന്‌ ഖിറാഅത്ത് മത്സരം പ്രാരം‌ഭം കുറിക്കും.മഗ്‌രിബ്‌ നമസ്‌കാരാനന്തരം 6.30 ന്‌ പൊതു പരിപാടി ആരം‌ഭിക്കും. പ്രമുഖര്‍ പങ്കെടുക്കുന്ന മിലാദ്‌ സംഗമത്തില്‍ മഹല്ല്‌ പ്രസിഡണ്ട്‌ അബു കാട്ടിലിന്റെ അഭാവത്തില്‍ മഹല്ല്‌ വൈസ്‌ പ്രസിഡണ്ട്‌ ഹാജി ഹമീദ്‌ ആര്‍.കെ അധ്യക്ഷത വഹിക്കും. മഹല്ലു നേതൃത്വവും,പ്രവര്‍‌ത്തക സമിതി അം‌ഗങ്ങളും,ഉസ്‌താദുമാരും,കാരണവന്മാരും,നാട്ടുകാരും, വിദ്യാര്‍‌ഥികളും പങ്കെടുക്കും.

ഹം‌സ മുസ്‌ല്യാരുടെ പ്രാര്‍ഥനയോടെ തുടങ്ങുന്ന സം‌ഗമത്തില്‍ സ്വാഗത സം‌ഘം കണ്‍‌വീനര്‍ ഹാജി റഷീദ്‌ മൂക്കലെ സ്വാഗതമോതും.മഹല്ല്‌ ഖത്വീബ്‌ അബ്‌ദുല്ല അഷ്‌റഫി പൊതുയോഗം ഉദ്‌ഘാടനം ചെയ്യും.നൂറുല്‍ ഹിദായ മദ്രസ്സ സ്വദര്‍ അലി മുസ്‌ല്യാര്‍,മഹല്ല്‌ ജനറല്‍ സെക്രട്ടറി സുബൈര്‍ പി.എം,മദ്രസ്സ സെക്രട്ടറി നൗഷാദ്‌ പി.ഐ,ത്വാഹാ മസ്‌ജിദ്‌ ഇമാം സയ്യിദ്‌ അലവി പൂക്കോയ,നൂറുല്‍ ഹിദായ ബ്രാഞ്ച് മദ്രസ്സ സ്വദര്‍ ഇസ്‌മാഈല്‍ സഖാഫി,സ്വദര്‍ മുള്ളന്തറ അഷ്‌റഫ്‌ സഖാഫി,മഹല്ല്‌ ഉപദേശക സമിതി അം‌ഗം ഖാസ്സി. വി.കെ,മഹല്ല്‌ ഉപദേശക സമിതി അം‌ഗം എം.കെ അബൂബക്കര്‍ മാസ്‌റ്റര്‍,മഹല്ല്‌ വൈസ്‌ പ്രസിഡണ്ട്‌ ആര്‍.വി കബീര്‍,മഹല്ല്‌ സെക്രട്ടറി എം.എ മുസ്‌ഥഫ,മഹല്ല്‌ സെക്രട്ടറി വി.എ ഫൈസല്‍,മഹല്ല്‌ സെക്രട്ടറി സൈനുദ്ധീന്‍ ഖുറൈഷി,സ്വാഗത സം‌ഘം ട്രഷറര്‍ ഷാഹിദ്‌ ഹുസൈന്‍ തുടങ്ങിയവര്‍ ആശം‌സകള്‍ നേരും. 

തിരുനെല്ലൂരിലെ പ്രവാസി സം‌ഘനകള്‍ തിരുനെല്ലൂര്‍ മഹല്ലു നിവാസികള്‍‌ക്ക്‌ നബിദിനാശം‌സകള്‍ നേര്‍‌ന്നു.

Friday, 17 November 2017

യുവതയെ കര്‍‌മ്മോത്സുകരാക്കുക

തിരുനെല്ലൂര്‍:നന്മയുടെ ധര്‍‌മ്മ ഭുമികയില്‍ യുവതയെ കര്‍‌മ്മോത്സുകരാക്കുക.ബഹുമാന്യനായ എ.കെ ഹുസൈന്‍ പറഞ്ഞു.നന്മ വൈസ്‌ ചെയര്‍‌മാന്‍ അബ്‌ദുല്‍ ജലീല്‍ വി.എസിന്റെ വസതിയില്‍ നന്മ തിരുനെല്ലൂരിന്റെ സൗഹൃദ സായാഹ്നം ഉദ്‌ഘാടനം ചെയ്യുകയായിരുന്നു മുല്ലശ്ശേരി ഗ്രാമ പഞ്ചയാത്ത് പ്രസിഡണ്ട്‌.വര്‍‌ത്തമാന കാല സാമൂഹിക രം‌ഗത്തെ തകിടം മറിച്ചു കൊണ്ടിരിക്കുന്ന മദ്യവും മയക്കു മരുന്നുകളും എന്ന മഹാവിപത്തിനെ കുറിച്ചുള്ള ബോധവത്കരണ യജ്ഞങ്ങളെ നന്മയിലധിഷ്‌ടിതമായ പ്രവര്‍‌ത്തന നൈര്യന്തര്യം കൊണ്ട്‌ നേരിടാന്‍ കഴിഞ്ഞേക്കും.അദ്ധേഹം വിശദീകരിച്ചു.

ധര്‍‌മ്മത്തിന്റെ പാതയില്‍ ഇറങ്ങിത്തിരിച്ച് തികച്ചും വിരുദ്ധമായ ചേരികളിലും സം‌ഘങ്ങളിലും എത്തപ്പെടുന്ന ദയനീയ സാഹചര്യം വര്‍‌ത്തമാന കാലം നേരിടുന്ന വലിയ വെല്ലു വിളിയാണ്‌.പ്രവാചകരായ മൂസയുടേയും ഇബ്രാഹീമിന്റെയും പാതയിലാണെന്നു പറയുകയും എന്നാല്‍ സാമരിയുടെയും ആസറിന്റെയും മാര്‍ഗത്തില്‍ നശിക്കുകയും കൊല്ലപ്പെടുകയും ചെയ്യുന്ന അതി ദയനീയ ചിത്രം ഖേദകരമാണെന്നും ഇഖ്‌ബാല്‍ കവിതകള്‍ ഉദ്ധരിച്ച് മഞ്ഞിയില്‍ ഒര്‍മ്മിപ്പിച്ചു.

നന്മയിലൂന്നിയ പ്രവര്‍ത്തന നിരതയെ പച്ചയായി നിലനിര്‍‌ത്തുക എന്നത് കാലഘട്ടത്തിന്റെ അനിവാര്യത്യയാണെന്ന്‌ ഹമീദ്‌ ആര്‍.കെ പറഞ്ഞു.നന്മ തിരുനെല്ലൂര്‍ അതിന്റെ സേവനങ്ങള്‍ക്ക്‌ വിരാമം കുറിക്കാമെന്ന പ്രയോഗം പോലും അസഹനീയമത്രെ.അതിനാല്‍ കൂടുതല്‍ സര്‍‌ഗാത്മകമായും ക്രിയാത്മകമായും നമുക്ക്‌ മുന്നോട്ടു പോകാം.ആര്‍.കെ അഭിപ്രായപ്പെട്ടു.

നന്മ ചെയര്‍‌മാന്‍ ഇസ്മായിൽ ബാവ  അധ്യക്ഷത വഹിച്ച സം‌ഗമത്തില്‍ ആര്‍.കെ.ഹമീദ്‌,അഹമ്മദ്‌ അബ്‌ദുല്ല,നാസര്‍ മുഹമ്മദാലി,സുബൈര്‍ പി.എം,ഷം‌സുദ്ധീന്‍ പി.എം,നാസര്‍ അബ്‌ദുല്‍ കരീം,ഹുസൈന്‍ ബാപ്പുട്ടി,താജുദ്ധീന്‍ എന്‍.വി,ഹനീഫ കെ.എം,അബ്‌ദുല്‍ കബീര്‍ ആര്‍.വി,മുസ്‌തഫ ആര്‍.കെ തുടങ്ങി നിരവധി പേര്‍‌ നന്മയുടെ വര്‍‌ത്തമാനങ്ങള്‍ പങ്കു വെച്ചു.
നന്മ തിരുനെല്ലൂരിന്റെ പ്രഥമ സം‌രം‌ഭമായ ആരോഗ്യ ക്യാമ്പ് പ്രകീര്‍ത്തിക്കപ്പെട്ടു.മെഡിക്കല്‍ ക്യാമ്പില്‍ ആദ്യാന്തം പ്രവര്‍‌ത്തന നിരതരായി നിന്ന യുവനിരയുടെ പ്രതിനിധിയ്‌ക്ക്‌ പ്രത്യേക ട്രോഫി സമ്മാനിച്ച് ആദരിക്കുകയും അഭിനന്ദിക്കുകയും ചെയ്‌തു.

നന്മയുടെ പ്രഥമ സം‌രം‌ഭത്തിന്റെ കണക്കുകകള്‍ കണ്‍‌വീനര്‍ ഷിഹാബ്‌ എം.ഐ അവതരിപ്പിച്ച് പാസ്സാക്കി.തുടര്‍‌ന്ന്‌ നടന്ന ചര്‍‌ച്ചകള്‍ക്ക്‌ ശേഷം നന്മ തിരുനെല്ലൂര്‍ ഈ ഗ്രാമത്തിന്റെ അനിവാര്യതയാണെന്ന പൊതു വികാരം അം‌ഗീകരിച്ച് കൊണ്ട്‌ നന്മ തിരുനെല്ലൂര്‍ തുടരും എന്ന്‌ പ്രഖ്യാപിക്കപ്പെട്ടു.

നന്മയിലൂന്നിയ പ്രവര്‍‌ത്തനങ്ങളുടെ ആത്മാവ്‌ ഉള്‍‌കൊണ്ട്‌ ലഹരി വിരുദ്ധ പ്രതിജ്ഞയോടെയായിരുന്നു സം‌ഗമം സമാപിച്ചത്.എ.കെ ഹുസൈന്‍ പ്രതിജ്ഞാ വാചകം ചൊല്ലിക്കൊടുത്തു.സദസ്സ്‌ അത്‌ ഏറ്റു പറഞ്ഞു.







നന്മ തിരുനെല്ലൂർ ഭാരവാഹികൾ
ഉപദേശക സമിതി
ഹുസൈൻ. എ. കെ
അബ്ദുൽ അസീസ് മഞ്ഞിയിൽ
അബു കാട്ടിൽ
ഹമീദ് കുട്ടി. ആർ.കെ
ഹനീഫ എം.കെ
------------------------ ----------------
ചെയർമാൻ
ഇസ്മായിൽ ബാവ
വൈസ് ചെയർമാൻ
അഹ്മദ്. എ
ജലീൽ  വി. എസ്
നാസർ മുഹമ്മദാലി
ജനറൽ കൺവീനർ
ഷിഹാബ്. എം. ഐ
അസിസ്റ്റന്റ് കൺവീനർ
ഷംസുദ്ധീൻ  പി .എം
ജോയിൻ കൺവീനർ
സനൂപ് റഫീഖ്
നൗഷാദ് അഹ്മദ്
നാസർ കരീം
ട്രഷറർ
മുസ്തഫ. ആർ  കെ

പ്രവര്‍‌ത്തക സമിതി അം‌ഗങ്ങള്‍
1, അജ്മൽ തെക്കയിൽ
2, അനസ് ഹനീഫ
3, അജ്മൽ. വി. എം
4, ആഫിൽ ഹുസൈൻ
5, ജാഫർ കബീർ
6, താജുദ്ധീൻ. എൻ. വി
7, ഹുസൈൻ ബാപ്പുട്ടി
8, സുബൈർ. പി. എം
9, ശൈതാജ് കുഞ്ഞിബാവു
10, റഷീദ്. എം. കെ
11, ഹനീഫ. കെ. എം
12, ഹാരിസ്. ആർ. കെ
13, നാസർ വി. എസ്
14, ഹുസൈൻ ഹാജി
15, നിസാം നസീർ
16, കബീർ. ആർ.വി
17, സെയ്തുമുഹമ്മദ്. എം. ബി
18, കമറു കടയിൽ
19, അഷറഫ്‌. കെ. എസ്
20, ഷിയാസ്. എം. എ
21,താജുദ്ധീൻ. എം. കെ
22, ഷറഫുദ്ധീൻ. പി. കെ

Monday, 13 November 2017

കൊലക്കേസ്‌ പ്രതി വെട്ടേറ്റ്‌ മരിച്ചു

ഗുരുവായൂർ:സുഹൃത്തുമായി ബൈക്കിൽ സഞ്ചരിച്ച ആർ.എസ്.എസ് പ്രവർത്തകനെ കാറിടിച്ചു വീഴ്ത്തി മൂന്നംഗസംഘം വെട്ടിക്കൊന്നു. കടവള്ളി ലക്ഷം വീട് കോളനി വടക്കേതരകത്ത് ആനന്ദനാണ് (28) മരിച്ചത്. നെൻമിനി ബലരാമക്ഷേത്രത്തിനു സമീപം പോസ്റ്റ് ഓഫിസ് റോഡ് ജംക്​ഷനിൽ പകൽ ഒരു മണിയോടെയായിരുന്നു സംഭവം. വടക്കേതരകത്ത് അംബികയുടെ മകനാണ്.വീടിന് ഒരു കിലോമീറ്റർ അകലെയാണു സംഭവം. സുഹൃത്ത് ഏങ്ങണ്ടിയൂർ ചെമ്പകശേരി വിഷ്ണു ചന്ദ്‌മോഹനെ (20) പിന്നിലിരുത്തി ബൈക്കിൽ വീട്ടിലേക്കു പോകുമ്പോൾ എതിർദിശയിൽ വന്ന കാർ ഇടിച്ചു വീഴ്ത്തുകയായിരുന്നു. കഴുത്തിലും ശരീരത്തിലും വാളു കൊണ്ടുള്ള വെട്ടേറ്റു. വിഷ്ണു ഓടി നെൻമിനി ദേവസ്വം ക്വാർട്ടേഴ്‌സിൽ അഭയം തേടി.

തൈക്കാട് ബ്രഹ്മകുളം കിയ്യരമുക്കിൽ കുന്നംകോരത്ത് സലീമിന്റെ മകനായ എസ്.എഫ്‌.ഐ നേതാവ് ഫാസിലിനെ 2013 നവംബർ നാലിനു കൊലപ്പെടുത്തിയ കേസിൽ രണ്ടാം പ്രതിയാണ് ആനന്ദൻ. ഫാസിലിന്റെ സഹോദരൻ ഫാഹിസിന്റെ ഉടമസ്ഥതയിലുള്ള കാറിലാണ് അക്രമികൾ എത്തിയതെന്നു പൊലീസ് പറഞ്ഞു.

സംഭവത്തിൽ പ്രതിഷേധിച്ച് ഗുരുവായൂർ, മണലൂർ നിയോജകമണ്ഡലങ്ങളിൽ ഇന്നു രാവിലെ ആറു മുതൽ വൈകിട്ട് ആറു വരെ ബിജെപി ഹർത്താൽ പ്രഖ്യാപിച്ചു.

ആനന്ദ് കൊല്ലപ്പെട്ടതിനെ തുടര്‍‌ന്ന്‌ മണലൂര്‍ മണ്ഡലത്തിലെ മുല്ലശ്ശേരി ബ്ലോക് സെന്ററില്‍ സംഘര്‍‌ഷമുണ്ടായി.വാഹനങ്ങള്‍ തടഞ്ഞതിന്‌ പൊലീസ്‌ പിടികൂടി ജീപ്പില്‍ കയറ്റിയ യുവാവിനെ ഇരുപതോളം ബി.ജെ.പി പ്രവര്‍‌ത്തകര്‍ ബലമായി മോചിപ്പിക്കുകയും പൊലീസിനു നേരെ കൈയേറ്റത്തിന്‌ ശ്രമിക്കുകയും ചെയ്‌തു.

ഞായറാഴ്‌ച ഉച്ചതിരിഞ്ഞ്‌ ബൈക്കുകളിലെത്തിയ സം‌ഘം മേഖലയിലെ മരുതയൂര്‍,കവല,പാവറട്ടി,പുവ്വത്തൂര്‍,മുല്ലശ്ശേരി,വെങ്കിടങ്ങ് എന്നിവിടങ്ങളില്‍ വ്യാപകമായ അതിക്രമങ്ങള്‍ നടത്തി.ഇതര രാഷ്‌ട്രീയ പാര്‍‌ട്ടികളുടെ കൊടി തോരണങ്ങളും ഫ്ലക്‌സുകളും നശിപ്പിച്ചു.വ്യാപാര സ്ഥാപനങ്ങളും,പെട്രോള്‍ പമ്പുകളും ബലമായി അടപ്പിച്ചു.ബസുകള്‍ തടഞ്ഞ്‌ യാത്രക്കാരെ വഴിയില്‍ ഇറക്കി വിട്ടു.വാഹനങ്ങള്‍ തടഞ്ഞ്‌ യാത്രക്കാരെ ഭീഷണിപ്പെടുത്തി.വൈകുന്നേരം പ്രദേശത്തെ സെന്ററുകളില്‍ ടയറുകള്‍ കൂട്ടിയിട്ട്‌ കത്തിച്ച്‌ ഭീകരാന്തരീക്ഷം സൃഷ്‌ടിച്ചു.

പ്രദേശത്ത്‌ ജില്ലാ കലക്‌ടര്‍ നിരോധനാജ്ഞ പ്രഖ്യാപിച്ചിട്ടുണ്ട്.പ്രശ്‌ന ബാധിത പ്രദേശങ്ങളില്‍ ജനങ്ങള്‍ കൂട്ടം കൂടി നില്‍ക്കുവാനോ പ്രകടനം നടത്തുവാനോ പാടില്ലെന്ന് കളക്ടര്‍ നിര്‍ദേശിച്ചു.

പ്രശ്‌ന ബാധിത പ്രദേശത്ത്‌ വന്‍ പൊലീസ്‌ സന്നാഹം ക്യാമ്പ്‌ ചെയ്യുന്നുണ്ട്‌. മരുതയൂര്‍,കവല,ചുക്കുബസാര്‍,വെന്മേനാട്‌,മുല്ലശ്ശേരി,വെങ്കിടങ്ങ്‌ എന്നിവിടങ്ങളില്‍ പ്രത്യേക പൊലീസ്‌ പിക്കറ്റിങ്ങും ഏര്‍പ്പെടുത്തിയിട്ടുണ്ട്‌.

Sunday, 12 November 2017

നന്മയുടെ നന്ദി

തിരുനെല്ലൂര്‍:നന്മ തിരുനെല്ലൂര്‍ ആരോഗ്യ ക്യാമ്പില്‍ സഹകരിച്ചവര്‍‌ക്ക്‌ നന്മ കണ്‍‌വീനര്‍ ഷിഹാബ്‌ എം.ഐ ഔദ്യോഗികമായി നന്ദി പ്രകാശിപ്പിച്ചു.തങ്ങളുടെ അഭാവത്തിലും സജീവ സാന്നിധ്യം കൊണ്ട്‌ സമ്പന്നമാക്കിയ സ്‌കൂള്‍ മാനേജര്‍ അബു കാട്ടില്‍,പ്രവാസി സം‌ഘടനാ സാരഥികളായ ഉമര്‍ കാട്ടില്‍,ഹുസ്സൈന്‍ കാട്ടില്‍,ഷറഫു ഹമീദ്‌ എന്നിവരുടേയും സഹകരണവും ധാര്‍‌മ്മികമായ പിന്തുണയും പ്രശം‌സനീയമാണെന്നും ഷിഹാബ്‌ പറഞ്ഞു.

നന്മ പ്രവര്‍‌ത്തക സമിതിയിലെ അം‌ഗങ്ങളുടെ ഓരോരുത്തരുടേയും സേവനം വിലമതിക്കാനാവാത്തതാണെന്നും കണ്‍‌വീനര്‍ പറഞ്ഞു.ചെയര്‍‌മാന്‍: ഇസ്മാഈൽ ബാവ, വൈസ്‌ ചെയർമാൻ ജലീൽ വി.എസ്,നാസർ മുഹമ്മദാലി,ജോ.കണ്‍‌വിനര്‍ ഹാരിസ് ആർ.കെ, നാസർ കരീം,ട്രഷർ: മുസ്തഫ ആർ.കെ,സ്വീകരണ വിഭാഗം : ഷംസുദ്ധീന്‍ പി.എം,ഹനീഫ.കെ.എം,അഹമ്മദ്.എ,ഹനീഫ.എം.കെ,പ്രചരണം:റഷീദ് മതിലകത്ത്, നൗഷാദ് അഹ്മദ്‌,നാസർ വി .എസ്,താജുദ്ധീൻ എന്‍.വി,കമറു കടയില്‍,ഹാജി കെ.വി ഹുസ്സൈന്‍,വളണ്ടിയർ ക്യാപ്റ്റന്മാർ:അജ്മൽ തെക്കയിൽ,സനൂപ് റഫീഖ്,ഹാഫിൽ ഹുസൈൻ,അജ്മൽ,ജാഫർ കബീർ,റജിസ്‌ട്രേഷന്‍:നിസാം നസീർ,ഷാഹിദ് ഹുസൈന്‍,മുസമ്മിൽ,നജ്മൽ നാസർ തുടങ്ങി ഓരോരുത്തരുടേയും സേവനങ്ങളെ ഷിഹാബ്‌ പ്രകീര്‍‌ത്തിച്ചു.

നന്ദി പ്രകാശനത്തിന്റെ പൂര്‍‌ണ്ണ രൂപം താഴെ:-

നന്മയുടെ സഹകാരികള്‍‌ക്കും സഹചാരികള്‍‌ക്കും അഭിവാദ്യങ്ങള്‍.പ്രിയരേ നാമെല്ലാവരും മഹനീയമായൊരു ദൗത്യ നിര്‍‌വഹണത്തില്‍ അശ്രാന്ത പരിശ്രമങ്ങളിലായിരുന്നു.തികച്ചും പ്രതികൂലമായ ഒരു കാലാവസ്ഥയില്‍ കാറും കോളും നിറഞ്ഞ അന്തരീക്ഷത്തില്‍ ഒഴുക്കെനെതിരെ നീന്തുകയായിരുന്നു.മനസ്സാന്നിധ്യത്തോടെ പൂര്‍‌ണ്ണമായ ആത്മ വിശ്വാസത്തോടെ രാപകലില്ലാതെ പ്രവര്‍‌ത്തന നിരതരായിരുന്നു.കുട്ടികളും,യുവാക്കളും,മദ്ധ്യ വയസ്‌കരും എല്ലാ വിഭാഗക്കാരും തങ്ങളില്‍ അര്‍‌പ്പിതമായ ഉത്തരവാദിത്തങ്ങള്‍ ചിട്ടയോടും വെടിപ്പോടും കൂടെ നിര്‍‌വഹിക്കുന്നതില്‍ മത്സരബുദ്ധ്യാ പ്രയത്നിക്കുകയായിരുന്നു.

ആരെങ്കിലും തെളിച്ചാല്‍ പാഞ്ഞു പോകുകയായിരുന്നില്ല. മറിച്ച്‌ ലക്ഷ്യ ബോധത്തോടെ കുതിക്കുകയായിരുന്നു.ഈ കിതപ്പും കുതിപ്പും കുളമ്പടിയും നിരര്‍‌ഥക വര്‍‌ത്തമാനങ്ങളാണെന്നാണ്‌ പുതിയ പൊയ്‌വെടികള്‍. അതേ സമയം നാം കുതിച്ചുകൊണ്ടിരുന്ന പാതയോരങ്ങളിലെ പൊടി പടലങ്ങള്‍ പോലും ഇപ്പോഴും കെട്ടടങ്ങിയിട്ടില്ലെന്നതത്രെ പരമാര്‍‌ഥം. ആരുടേയും അഭിനന്ദനവും ആശീര്‍‌വാദവും കയ്യടികളും കാത്തു കൊണ്ടല്ല നമ്മുടെ പ്രയാണം.അല്ലാഹുവിന്റെ പ്രീതി മാത്രമാണ്‌ നമ്മുടെ അര്‍‌ഥന.

പരിമിതമായ സമയത്തിനുള്ളില്‍ അതി വിപുലമായ വിജയകരമായ അതിലുപരി തിരുനെല്ലൂരിന്റെ ചരിത്രത്താളുകളില്‍ തുന്നിച്ചേര്‍‌ക്കാതിരിക്കാനാകാത്ത ഒരു മുഹൂര്‍‌ത്തത്തിലേയ്‌ക്ക്‌ നയിക്കപ്പെട്ട സാഹചര്യം തികച്ചും യാദൃശ്ചികം.ഈ പ്രവര്‍‌ത്തനത്തില്‍ സഹായിച്ചും സഹകരിച്ചും ആത്മാര്‍‌ഥമായി രം‌ഗത്തിറങ്ങിയവരെ അനുമോദിക്കാന്‍ വാക്കുകളില്ല.നന്മ തിരുനെല്ലൂരിന്റെ പ്രഥമ ചുവടുവെപ്പില്‍ കാലിടറാതെ കൂടെ നിന്നവര്‍‌ക്കും കര്‍‌മ്മ നിരതരായവര്‍‌ക്കും...
നന്ദി,നന്ദി,നന്ദി....നമ്മുടെ പ്രവര്‍‌ത്തനങ്ങളുടെ പ്രതിഫലനങ്ങള്‍ ഈ ലോകത്തും പ്രതിഫലം പരലോകത്തും നല്‍‌കി അനുഗ്രഹിക്കുമാറാകട്ടെ.......
ഷിഹാബ്‌ ഇബ്രാഹീം
നന്മ തിരുനെല്ലൂര്‍ കണ്‍‌വീനര്‍